Pinngortitap paarsisui pillugit

 

Oqaluttuatoqqani oqaluttuarineqarpoq, pinngortitap piginnaasai inuttulli anersaaqartut tarneqartullu – tassalu “inua”. Inuk pinngortitarlu ataatsimoorput.

Akisussaaqataavugut, taamaattumillu neriuppugut pinngortitap paarinerani ikiorumaaritsigut nammineerlutillu sapiitsuliortunngorumaartutit.

Oqaluttuat – Superheltene

Qaarsup Inua

Qaqqat qaarsullu nunarsuup qaavata ilaaniipput, inunnit uumasunillu najugarineqarlutik inuuffigineqarlutillu.
Qaarsut isumalluutinik pingaarutilinnik, ulluinnarni atortakkatsinnik, soorlu sakkussiassanik, saviminissanik, kuultinik diamantinillu akoqarput. Qaarsup Inuata inuuffigisatsinnik paarsinissarput mingutsitsisoqannginnissaalu sorsuutigaa. Qaqqami qaartiterigutta, Qaarsup Inuata qaqqaq pissusiatut ilerseqqinniarlugu ukiut millionilikkaat atussavai. Kalaallit Nunaat qaqqanik qaarsunillu sananeqaateqarpoq, ataqqinnillutalu atuinissarput pisariaqarpoq. Qaarsup Inuata nunamut inuuffigisatsinnut ataatsimoorluta akisussaassuseqarnissarput kissaatigaa. Ikioqatigiilluta pinngortitaq paarilluarniartigu.

Uumasut Inua

Uumasut tamarmik nunarsuarmi nerisaqaqatigiinnermut ilaapput. Inuit uagut uumasut nerisassaqartippaatigut, taakkulu inuunitsinni tunngavitta ilagaat. Uumasut Inuata uumasut mingutsitsiviunngitsumi uumanissaat sorsuutigaa. Aamma Uumasut Inuata pinngortitami uumasut oqimaaqatigiinnissaat sorsuutigaa. Nungusaataanngitsumik piniarnissarput aallaaniarnissarpullu pingaaruteqartorujussuuvoq, uumasorpassuit assigiit tammannginniassammata nungunnginniassammatalu. Uumasut Inuata pinngortitami uumasut paarinissaannut pisassaqaannarnissamullu atorfissaqartippaatit. Ikioqatigiilluta pinngortitaq paarilluarniartigu.

Anorip Inua

Anori nunarsuup silaannaanik pilersinneqartarpoq. Silaannaq nunarsuarmi pinngortitamut uumasunnullu annertuumik sunniuteqartarpoq. Anorip Inuata sapinngisani tamaat ukiup ingerlanerani pinngortitami qulakkeerinissaq anguniartarpaa.
Ukiup nikerarnera pinngortitami oqimaaqatigiissitsilertarpoq, aammalu sapiitsuliortunut allanut nukissanik tunisisarluni.
Mingutsitsineq Kalaallit Nunaanni silaannaanut uumasunullu akunnitsinniittunut sunniuteqartarpoq, taamaalillunilu inuit nannullu aalisakkanik pisaqarsinnaanerat ajornarnerulertarpoq. Ikioqatigiilluta pinngortitaq paarilluarniartigu.

Innerup Inua

Inneq nakkutigineqarluni nukissamik kiassarnermillu pilersuisinnaavoq. Kisiannili ikuallannerit mingutsitsisinnaapput aammalu inunnut, uumasunut pinngortitamullu ulorianarsinnaallutik. Innerup Inua ikuallannernut akiuuttarpoq, taamaalilluni inuit uumasullu uumavii ajoqusernaveersaartittarlugit. Innerup inua putsumut kalerrisaarutinik tusaasaqaleraangami ikiuukkiartortarpoq. Innerup Inuata ikumatitassi qaminnissaannut pinngortitallu paarinissaanut eqqaasittarpaasi. Innerup Inuata putsumut kalerrisaarusersuinissat aammalu pinngortitamiikkaangavit eqqarsarnissat pisariaqartittarpaa. Ikioqatigiilluta pinngortitaq paarilluarniartigu

Pinngortitap Inua

Pinngortitap naggorinnera uumasunut inunnullu nerisassaqartitsivoq inuuniarnermullu tunngaviliilluni. Aamma pinngortitap inuit sakkussiornitsinnut isumalluuteqartippaatigut. Pinngortitap Inuata pinngortitamik paarsinissarput mingutsitsisoqannginnissaalu sorsuutigaa. Pinngortitap Inua pinngortitami isumalluutinik atuipilunnginnissarput anguniarlugu akersuuppoq. Kalaallit Nunaanni pinngortitaq tunniussassaalu tamaasa nuannarilluinnangaraagut, taamaallalli eqqaamasariaqarparput tunniussassai amerlasoorujussuunngimmata. Pinngortitap Inuata mingutsitsinermut akiuiniarnissamut, eqqakkat eqqaavinnut igittarnissaasa eqqaamanissaanut aammalu pigisanik, soorlu puussianik plastikkinik atueqqinnissamut atorfissaqartippaatigut. Ikioqatigiilluta pinngortitaq paarilluarniartigu.

Ermup Inua

Imeq isumalluutinut uumassusilinnut uumatitsisuuvoq, soorlu inunnut, uumasunut nunarsuullu naasuinut. Isumalluutit uumassusillit (tassalu inuit, uumasut naasullu) minguitsumik imissaqanngippata nunarsuaq uumaffiusinnaanngilaq. Kalaallit Nunaanni imaani uumasut aningaasanik isaatitsinerpaaffiupput, aammalu mingutsitsinermit sunnernerlunneqartarlutik. Erngup Inuata kisimiilluni immat, kuuit tatsillu imeqarfiit minguitsuutissinnaanngilai. Ikioqatigiilluta pinngortitaq paarilluarniartigu.

Silap pissussaa pillugu ilikkangaqarusuppit?

Karsi akeqanngitsoq silap pissusianut tunngassutilinnik  imalik ilinniartitseriaatsitut nutaaliaavoq. Oqallinnissamut tunngaviliisulluuni, sungiusartitsinissamullu ineriartortitaasimalluni. Siunertarineqarpoq atuartut silap pissusianut sungiussiartornerminni pinngortitami ilisimatusarnikkut nassuiaatinik aammalu silap pissusiata  allannguutaasalu ataqatigiinnerinik misileraanissaat misissuinissaallu.

Pinngortitap Paarsisui ikiukkit – avatangiisinut iluaqutaasussamik isumassarsiaqarpit?

 

Avatangiisinut Aningaasaateqarfimmut 10.000 koruunit tikillugit qinnuteqarit, Kalaallillu Nunaata eqqiluitsuutinnissaanut Pinngortitap Paarsisui ikiorlugit!

sten-mobil

Nalunngiliuk nittartakkami www.asimi.gl Kalaallit Nunaanni pinngortitaq pillugu pissanganartunik ilisimasanik alakkarteriffigisinnaagakku?

Nammineerlutit
sapiitsunngorit

Sapiitsut peqatigalugit pinngortitap paarilluarnissaanut piginnaaneqarpit?

Misiliinerup naammassinissaanut piginnaaneqaruit eqquititsiniaanermut peqataagit immikkoorutilimmillu eqquillutit, aammalu angusinermut allagartaqalerlutit.

Eqqagassat –isumassarsiat isumassarsiorfissallu, atuartitsinermut najoqqutassaq

 

Atuagaq una ”Eqqagassat –isumassarsiat isumassarsiorfissallu, atuartitsinermut najoqqutassaq” Kalaallit Nunaanni meeqqat atuarfianni atuarnerup ingerlanerani tamarmi pinngortitalerinermik inuiaqatigiilerinermilu atuartitsissutini kiisalu assigiinngitsunik sammisaqarnermi atuartitsissutitut najoqqutassiaavoq. Najoqqutassiaq eqqagassanut eqqagassalerinermullu tunngasunik sammisaqartitsilluni atuartitsinissamut siunnersuutinik arlalinnik imaqarpoq.

sten-mobil

Nammineerlutit kiinappaliorlutit paarsisoq nuannarisat assigileruk!

Paarsisut nuannarisavit assingi torrattut naqinneri anisillugit qalipassinnaalerpatit.

Malebog