Pinngortitap Paarsisui pinngortitami oqimaaqatigiissitsinissamut pinngortitallu eqqiluitsuutinnissaanut suleriaatsinik nutaanik ujartuiuaannarput. Illit – imaluunniit immaqa atuaqatigiiullusi – ataatsimoorluta akisussaaqatigiinnissatsinnut aammalu pinngortitamik avatangiisinillu paarsinissamut pikkorinnerilernissatsinnut iluaqutaasinnaasumik isumassarsiaqarpit? Taamaappat isumassarsiat piviusunngortinniarlugu Avatangiisinut Aningaasaateqarfimmit tapiiffigineqarnissamik qinnuteqarsinnaavutit.
Ukioq manna Pinngortitamut Aningaasaateqarfimmiit isumassarsiat ukununnga tunngasut ujartorneqarput:
- Qanoq ililluta plastikkinik atuineq annikillitissinnaavarput imaluunniit plastikkinik atueqqissinnaavugut?
- Aalisakkanut qassutit atortullu imaaniittut nunamiittullu qanoq iliorfigisinnaavagut?
Qinnuteqaatip immersornerani ilinniartitsisumit angajoqqaassinniilluunniit ikiorneqarussi pitsaanerussaaq – tassanimi tapiiffigineqarnissamut piumasaqaatinik malitassaqarpoq. Ilaatigut suliassarsi missingersuusiasilu allaaserisussaavasi. Aningaasat atoreerussigit naatsorsuutinik suliallu ingerlanera pillugu allaaserisamik nassiussisussaavusi.
Avatangiisinut Aningaasaateqarfimmut aningaasanik qinnuteqarnissamut maajip aallaqqaataa 2019 killigitinneqarpoq. Avatangiisinut Aningaasaateqarfik pillugu aammalu qanoq iliorlusi aningaasanik tassanngaanniit qinnuteqarsinnaanersusi www.naalakkersuisut.gl/miljoefonden iserfigalugu annertunerusumik atuagaqarsinnaavusi.
Pitsaasumik piviusunngortinnissaanullu aningaasanik akeqanngitsumik isumassarsiaqaruit, Pinngortitap Paarsisuisa erngerlutit aallarteqqullutit kajumissaarusuppaatsit!